بلوة حياتي بقلم اميرة الجنة
المحتويات
الكورة في كل الأحوال في ملعبه لأن عمر من النوع اللي بيحب إنه يستمتع في النهاية مش البداية
فريدة بمعني !!!
يوسف بمعني إنه مؤمن بمبدأ إن الاستماع في آخر اللعبة طعمه أفضل بكتير من اي متعة في البداية وهو ماشي بالمبدأ ده
في كل حياتي العبرة في النهاية المتعة في النهاية مش البداية
فريدة طب واللي يضمن إن كلامك صحيح وهو مرتب كل حاجة ليه مقالش لمالك ليه كدب عليه أو ليه كدب عليا طالما هو داخل لعبة وواثق إنه الفوز حليفه وإن الكورة في ملعبه على فكرة عمر من فترة وهو مش طبيعي عنده هووس في الاڼتقام رهيب لدرجة إنه مش بيفكر مظبوط فاهمني!!
وسكت شوية زعلان إن شهد مخبية عليه وزعله الأكبر إن صديق عمره شافه مش مناسب إنه يشاركه الخطة بتاعته ايااا كانت متخيلش في يوم إن عمر يتصرف من غير ما يقوله هما من الطفولة وهما مع بعض زعل من كده وحس إنه مبقاش عارف عمر كويس ومقدرش يفكر هيتصرف إزاي أو هيلحق يعرف عمر ناوي على إيه والوقت قصير أصلا سلم على فريدة وباس مالك الصغير وخرج
يوسف بعصبية لأنه مكنش قادر يفكر هيبرر وجوده ازاي وكمان خطة عمر وقراره بسفره
ورب الكعبة انا لو مسكت اخوكي اللي إسمه عمر دلوقتي ما هخلي فيه حتة سليمة ازاي ياخد قرار زي كده لوحده
تستمر القصة أدناه
شهد بص يا حبيبي والله مش هدافع عنه لحمه ليك وعضمه ليا اهو قدامك اهو
يوسف قال بغيظ منها لأنه أصلا لو ب ايديه هيجيبها من شعرها عشان تبطل تتصرف من ورا ضهره بس حاول يسيطر على نفسه إنت شيفاني عيل صغير قدامك مش هعرف اميز بين الحمار ده والژبالة اللي جوا!!!!
مالك ببرود طب حاسب على الفاظك عشان انا مش بلعب معاك كورة في الشارع عشان تقول عني حمار وانا اسكتلك حيلك إنت هتاخد عليا ولا إيه انا أصلا مش بطيقك من ساعة ما شوفتك وربنا!!!
مالك انا الحمدلله اللي في قلبي على لساني
يوسف بغل واضح وكمان حب يلمح إنه عنده فكرة عن الخطة بس على مين دول شهد ومالك مش عمر اللامح طيب طالما كده الژبالة اخوك دماغه مش بتوزه على حاجة كده ولا كده عشان مش مرتاحله صررااااااحة ولو شوفته معنديش فكرة هنلم الأشلاء بتاعته منين عندي رغبه إني افصل مخه المچنون من دماغه وافصل فص فص عن التاني!!!
يوسف اهو جو الاطفال ده بقي مش بحبه غيران على أخوك يا بطة مالك بصله بغيظ والاكيد إن من رابع المستحيلات إن مالك و يوسف يتفقوا يوم في حياتهم محتاجين معجزة
شهد انا في اللحظة دي لازم أدخل انا سامعة صوت غليان دمكم ف يلا يا حبيبي نروح إحنا ده انت وراك سفر!!
شهد وهي بتزق فيه انا بقول بلاش عشان إنت شكلك متعصب خالص
يوسف من حقي طيب ولا مش من حقي اتفاجئ انا ليه إن بكرا مسافر لا وكمان قاعد يجي اسبوعين داهية تاخدك يا عمر لاقيني دايب في حب اليبانين عشان استحمل أقعد معاهم اسبوعين داهية تاخدك يا بعيد لأ وكمان الطيارة الضهر طب سفرني الفجر طيب يا أخي مش كده ده انت اوفر!!!
مالك المفروض الطيارة فعلا الفجر عمر قال كده
يوسف اهو احسن من الضهر بس لأ الطيارة بكرا الضهر
مالك اممممم
شهد منك لله يا عمر ارتحت يا حبيبي يلا بقي عشان تلحق تجهز شنتطك!
يوسف زق شهد لمالك خدها مش عايزها هي مش مفيدة في أي حاجة قال عشان تلحق تجهز شنتطك اوعي يماما انا عندي كمان نص ساعة اجتماع!! وبص لمالك والافندي اخوك مجاش ليه النهاردة ولا هو كان ماله كان شغال جامد الاسبوعين اللي فاتوا جامد مجاش النهاردة ليه خاېف يضرب صح!!! وإنت كمان مجتش ليه على فكرة انا ممكن أستقيل وابقي اتصرف إنت واخوك
تستمر القصة أدناه
مالك لشهد هو شكله اټجنن ياما هو في الطبيعي كده
شهد لأ خاااااالص ده فن عمر مش اكتر سلام
مالك سلام
وركبت هي و يوسف العربية والاكيد إن كان متعصب جدا أصلا على شهد وعمر ومالك مفيش حد مش متعصب منه وده طبعا من حقه!!!
يوسف بعصبية واضحة مفيش حاجة ناوية تقوليها!!!
شهد بحذر لأ مفيش
يوسف مش ھموت ناقص عمر إلا بسبب غبائك وبسبب جنون اخوكي
وكمل سواقة ولا كأنه قال حاجة
وعدا اليوم بدون أحداث تذكر سوا عصبية يوسف اللي سببها إن شهد مخبية عليه وشعوره إن بقي فيه مسافة بينه وبين عمر أو عدم مقدرته لفهم ليه عمر بعده عن الخطة إلا لو كان عشان يحميه وهنا فهم إن اللي ناوي عليه عمر كبير والحكاية إنه مش عايز يبعده لأ هو بيحميه قعد يفكر هو إزاي يحمي عمر !!
وبعد ما عمر وصله على المطار رجع وراه وشاف المكان الأمان اللي مخلي الكل فيه وسبحان الله عمر مخرجش الكل برا البيت لأنه زمان عمل تعديلات في البيت وخلي فيه حاجة زي بدروم كبير تحت وصعب فادي يعرف لأن أساس البيت زمان إنه كان دورين مع بدروم صغير بس لما كان فادي عايش فيها عملوا تعديلات ولغوه بس عمر رجع عمل غيره من كام سنة ومظبط كل حاجة وبكده فادي صعب يعرف وعشان كده مقدرش يتتبعهم مثلا لو كان عمر خرجهم برا البيت والمكان أمان لدرجة إن لو عمر فجر البيت عيلته هتفضل في امان هو ظبط كل حاجة بحيث المكان يكون أمان جدا وكمان فيه رجال أمن على أعلى مستوى مكلفين بحماية الكل
بس بردو يوسف لحد دلوقتي مش عارف إيه خطة عمر كل همه إنه يقدر يمنعه من إنه يأذي نفسه فضل مراقبه لحد ما وصل المطعم هو وشهد واستني يفهم حاجة بس بردو مش فاهم لأن من الصعب تعرف اللي في دماغ عمر وشاف لما شهد خرجت ولما عمر رمي جهاز التتبع لف من الباب الخلفي عشان يقابل شهد برا
شهد طلعت من الباب الخلفي ولقيت بالفعل مهاب
مهاب يلا بسرعة عشان اوصلك لمالك هو دلوقتي ودا مالك لفريدة ومستني عشان يضمن إنك بخير
ولسا وهو بيتكلم يوسف شده بقوة وقال ممكن افهم إيه اللي بيحصل
مهاب ببراءة بنحاول نمسك فادي!
يوسف عندك علم إن عمر رمي جهاز التتبع دلوقتي
مهاب پصدمة إنت بتقول إيه!
شهد الخطة مش كده
يوسف قالهم اللي قالته فريدة باختصار وكلهم كانوا متحيرين ومش قادرين يفكرو كويس
يوسف بعد شوية صمت لو الخطة مش التزم بيها عمر إحنا ممكن ننفذها بطريقة تانية
مهاب بصله بعد ما فهم قصده وحط أيده في جيبه وطلع جهاز صغير وهو و يوسف الاتنين بصو لشهد
تستمر القصة أدناه
شهد بتبصولي كده ليه والله انا ما اعرف عمر ناوي على إيه
يوسف خد الجهاز من مهاب ومهاب بعد شوية عشان يسيب ليهم مساحة
يوسف بص لشهد وخد نفس طويل طبعا إنتي مش فاهمة بس عمر مچنون ونيته أكيد مچنونة زيه بس كمان اللي ناوي
عليه فيه أذية ليه وانا حاليا مش قادر افكر في حاجة عشان أوقفه غير إنه يكون متكتف ومش هيكون متكتف غير لما يعرف إنه ممكن يأذي حد بيحبه! فاهمني
شهد فاهمة إنت زعلان مني صح
يوسف بعد نظراته عنها
شهد وعينيها مليانة دموع زعلان مش كده
يوسف مش زعلان!
شهد لأ زعلان عشان بتصرف من ورا ضهرك
يوسف بغيظ طيب بما إن معالي التافهة عاقلة كده أفهم بقااا إيه أسبابها
شهد أسبابها إنها عايزة ټنتقم كمان من الشخص اللي سلب منها ابوها من الشخص اللي كان سبب فراغ حاجات كتير في حياتها الشخص اللي كان سبب إن أخويا يختار يبعد عشان مكنش متقبل إنه خسر أبوه وأخوه ومكنش بيتحمل يعيش في البيت وكان بعيد في أوقات كتير واللي بعد التاني عنها سنين طويلة رغبة إن فادي ينال عقابه ويبعد عن حياتنا مش رغبة عمر ومالك وبس رغبتي انا كمان فاهمني
يوسف بصلها كتير وبعدين قال فاهمك
شهد كنت عايز تعمل إيه بقي
يوسف وراها جهاز التتبع وقال هنفذ الخطة الأولي مش عن طريق عمر عن طريقك إنتي بمعنى إن إحنا هنسمح لفادي يخطفك مش زي ما عمر خطط إنه يحمي الكل انا ومهاب هنتابعك من جهاز التتبع ده ومهاب وفريقه هيجموا على المكان واوعدك فادي هياخد جازته وهيكون بعيد عن حياتكم للأبد
شهد وانا موافقة
يوسف بصلها بتردد وبعدين شهد حطت ايديها على خده وقالت هكون بخير بلاش تكون متردد عمر اكيد خطته بتشمل أذية للكل بما فيهم نفسه وإلا مكنش هيبعدك وكمان يبعد مهاب وعمر مش هيسمح يحصلي حاجة ولا انت كمان
يوسف حضنها جامد وهو متردد وخاېف بس بردو لازم يحمي عمر وكمان هو فعلا واثق إن عمر مهما كان وضعه مستحيل يسمح إن حد بيحبه يحصله حاجة!
وبعدين ركب ليها جهاز التتبع في السلسلة بتاعتها ورجعها الحمام تاني لحد ما حد من رجالة فادي خدرها كان وقتها يوسف ومهاب عايزين ينقضوا عليه بس كانوا مستنين للنهاية عشان يوصلوا لفادي
و يوسف رجع واخد إياد معاه وراح لمالك ومهاب
باااااااااااااااااك
مهاب ممكن افهم كل حاجة من البداية
إياد الموضوع كالآتي فادي هدفه مالك الصغير عشان يقدر ياخد الأملاك من غير ما يظهر وصعب يعيش بهوية جديدة غير خارج مصر لأنه لو عاش في مصر فهو هيتكشف إنه عايش ف صعب ياخد أملاك عمر بالكامل أو يوثق في حد ويخلي عمر يحول الأملاك على إسمه بالإضافة أصلا إن فادي مريض نفسي هو عايز ېقتل عمر أصلا قبل الأملاك
متابعة القراءة
